Ад каранавіруса памёр адзін са стваральнікаў унікальнага мінскага Парку валуноў Валерый Вінакураў
На 80-м годзе жыцця ад каранавіруса памёр вядомы беларускі геолаг Валерый Вінакураў. Гэта здарылася яшчэ 6 снежня. Пра гэта на сваёй старонцы ў фэйсбуку напісала даследчыца і журналістка Ірына Клімковіч.
«Гэты чалавек прыклаў неверагодныя намаганні, каб мы сёння маглі цешыцца ўнікальным музеем — Паркам камянёў пад адкрытым небам у Мінску ва Уруччы. Ён столькі адкрыў для навукі і зрабіў для папулярызацыі мінулага, што немагчыма ўсё пералічыць. Гэта сотні дагэтуль невядомых шырокаму колу камянёў, сярод іх унікальныя помнікі геалогіі, гэта камяні з паганскім мінулым — нашымі неверагоднымі легендамі і паданнямі. Кожны з гэтых камянёў ён фіксаваў, пісаў пра іх у сваіх артыкулах і кнігах. (…) Спадар Валерый быў вельмі сціплы, ніколі не высоўваўся, не бравіраваў заслугамі, амаль ніколі не даваў інтэрв'ю. Я шукала яго фатаграфію ў інтэрнэце і… не знайшла, — напісала Клімковіч.
Цуд ва Уруччы. Беларускі парк, якому няма аналагаў у Еўропе
Што за 17-гадовы стартапер, які выліў цэбар хлусні на Лібера на радасць беларускім спецслужбам7
Каментары