25.05.2009 / 10:33

Лось прыйшоў на заняткі ў будаўнічы каледж 1

Цяга да навучання ў жывёліны была такая вялікая, што яна не паленавалася ўскараскацца на другі паверх.

У Бабруйску лось зайшоў у тупік гаражна‑будаўнічага кааператыва.

Выратавальнікі, што прыехалі на месца здарэння, вывелі жывёліну на вуліцу Гагарына. Аднак, спалохаўшыся людзей, лось рвануў у двор будаўнічага каледжа і нават узняўся на другі паверх навучальнага корпуса.

Каля 200 чалавек былі тэрмінова выведзеныя з будынка.

Ветэрынарны доктар з дапамогай шпрыца, які замацавалі на шэст, паспрабаваў увесці снатворнае. Як ні дзіўна, дапамагло.

Праўда, лось трапіўся нязломак. Ён нават зрабіў кола гонару па мясцовым стадыёне і потым паціху пабрыў у лес, відаць, дзяліцца з сябрамі і калегамі ўражаннямі пра наведванне Бабруйска.

Паводле газеты Рэспубліка

0
Янка / Адказаць
25.05.2009 / 10:58
Дзякуй, што НН сочыць за ласіным лёсам :)
Каб пакінуць каментар, калі ласка, актывуйце JavaScript у наладах свайго браўзеру