27.05.2009 / 15:50

Як дабіцца прызнання Абхазіі 3

Кабінет важнага супрацоўніка крамлёўскай адміністрацыі.

Паліткансультант (уваходзячы): Можна?

Чыноўнік: Заходзь. Нешта не разумею сутнасці тваёй інструкцыі наконт нашай тактыкі перамоваў у Мінску. Ты пішаш: «На перамовы лепш за ўсё з’явіцца ў касцюмах ад «Камінтэрну», кашулях ад «Купалінкі», з гадзіннікамі «Прамень». Прыкладна на 5‑й хвіліне дыялогу зрабіць выгляд, што развязаліся матузкі на чаравіках. Паставіць нагу на крэсла і завязваць, каб суразмоўца заўважыў боты маркі «Марка». Пасля плаўна пераходзіць да тэмы Абхазіі. У выпадку ўскладнення перамоваў дастаць з кішэні барбарыскі ад «Камунаркі» і прапанаваць разам пагрызці»… Што за булшыт, як любіць казаць Лаўроў?

Паліткансультант: Усё проста і геніяльна. Проста іх кіраўнік патрабуе, каб насілі сваё і елі сваё. Натуральна, тыя шмоткі і семкі растопяць лёд недаверу і адкрыюць новыя перспектывы для інтэграцыі.

Чыноўнік: Ага. Разумею. Можа, для гарантыі дзве пары шкарпэтак?.

Паліткансультант: Як кажуць апошнія апытанні цэнтру Левада…

(У кабінет нечакана ўрываецца супрацоўнік ураду).

Супрацоўнік ураду: Палундра!

Паліткансультант і чыноўнік (разам): Што? Бакс каштуе 35 рублёў? Які я ідыёт, што ўчора не змяняў!

Супрацоўнік ураду: Чулі пра славянскі гей‑парад у Маскве?

Маўчанне.

Супрацоўнік ураду: Гэтая першая на маёй памяці расійска‑беларуская грамадзянская акцыя, не фінансаваная ні з саюзнага бюджэту, ні з бюджэту БРСМ, ні з бюджэту мэрыі Масквы. Рэальнае праяўленне даўно чаканага славянскага адзінства. Афігець.

Чыноўнік: Ты хочаш сказаць, што ёсць вар’яты, якія вераць у славянскія шуры‑муры не за грошы?

Супрацоўнік ураду: Так. Аднак інтрыга ў іншым: а што, калі гэта неяк звязана з…?

Чыноўнік: Ты хочаш сказаць, што калі заўтра на Маркса, 38 мы… хм… з’явімся ў калготках ад «Мілавіцы», тады прызнанне Абхазіі ў нас у кішэні?

Супрацоўнік ураду: Ну нашто так жорстка… Працяглага інтэграцыйнага пацалунку за зачыненымі дзвярыма, думаю, будзе дастаткова.

Чыноўнік: Я табе не Маісееў! Ясна?!

Супрацоўнік ураду: А табе ясна, што гэта, можа, апошні шанец дабіцца прызнання Удмурціі, Соры, Абхазіі. За намі Расія — а ты тут носам круціш.

Чыноўнік: Згодны абмяняцца доўгімі шматзначнымі поглядамі. Не больш.

Супрацоўнік ураду: Я сказаў пацалунак! Ты што — забыўся, дзякуючы каму ў гэтым крэсле сядзіш?

Пакуль чыноўнікі спрачаліся, паліткансультант унёс у тэкст сваёй інструкцыі важную папраўку: «Апроч кашулі ад «Купалінкі» і касцюму ад «Камінтэрну», падчас перамоваў на вас мусіць быць бялізна фірмы «Серж».

Лёлік Ушкін

0
Neo / Адказаць
14.07.2009 / 20:22
Знакомый вернулся пару дней назад из Абхазии. Был там дней пять. К России относятся с огромным уважением. На Беларусь ругаются, что до сих пор не признала. Грузию очень не любят. Может нашим Оппозиционерам-западникам тоже не мешало бы туда съездить и разобраться что к чему.
0
zzz / Адказаць
16.07.2009 / 10:53
2Neo вярнуўся днямі з Палесся. Да Украіны адносяцца з павагай. Беларусь вельмі не любяць. Можа паехаць, разабрацца і прызнаць незалежнасць? :) І гарадоў у якасці сталіц там многа: Гомель, Пінск, Брэст... :)
0
цукерман / Адказаць
28.07.2009 / 15:00
Косово это сербия!Абхазия и Южная Осетия-свободные государства!
Каб пакінуць каментар, калі ласка, актывуйце JavaScript у наладах свайго браўзеру