Пашырэнне штаму каранавіруса, што вылучаецца высокай заразнасцю і быў выяўлены першапачаткова ў Вялікабрытаніі, зафіксавана ўжо ў 41 краіне і тэрыторыі. Пра гэта паведаміла Сусветная Арганізацыя Аховы здароўя (СААЗ).
Згодна з бюлетэнем СААЗ, за мінулы тыдзень — ад 28 снежня да 3 студзеня — колькасць інфікаваных COVID-19 вырасла ў свеце на 4 035 226, а памерлых — на 76 017. Больш за ўсё новых выпадкаў інфікавання выяўлена ў Паўночнай і Паўднёвай Амерыцы — 1 935 621. На другім месцы — рэгіён Еўропы (1 553 332), на трэцім — Паўднёва-Усходняя Азія (208 592).
Па смяротнасці лідзіруе Еўропа, дзе за сем дзён памерлі 32 898 пацыентаў. На другім месцы — Паўночная і Паўднёвая Амерыка (32 283), на трэцім — Паўднёва-Усходняя Азія (3 756).
ЗША займаюць першы радок у свеце па колькасці новых выпадкаў заражэння за тыдзень — 1 325 424. Далей у спісе — Вялікабрытанія (343 784), Бразілія (252 018), Расія (186 539), Індыя (136 115), Германія (124 808), Італія (102 442), Турцыя (98 662), ПАР (93 978) і Францыя (91 595).
Больш за ўсё памерлых за сем дзён зарэгістравана ў ЗША (17 239). За імі ідуць Бразілія (4923), Мексіка (4670), Германія (4494), Вялікабрытанія (4165), Расія (3728), Італія (3365), ПАР (2654), Францыя (2346) і Польшча (2001).
Цяпер чытаюць
62-гадовую намесніцу дырэктара мінскай гімназіі адправілі ў калонію за палітыку3
62-гадовую намесніцу дырэктара мінскай гімназіі адправілі ў калонію за палітыку
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары