Грамадства

Праваслаўная царква атрымала папярэджанне ад дзяржавы. Яшчэ адно такое — і могуць забараніць дзейнасць

Беларускай праваслаўнай царкве вынеслі папярэджанне і прыгразілі, што могуць забараніць яе дзейнасць.

Вернікі розных канфесій на маршы 13 жніўня 2020 г. Фота Надзеі Бужан

З дакумента, які аказаўся ў распараджэнні Рэдакцыі, вынікае, што 27 лістапада Упаўнаважаны па справах рэлігіі і нацыянальнасцяў (тады гэту пасаду займаў Леанід Гуляка) вынес папярэджанне Беларускай праваслаўнай царкве. У папярэджанні гаворыцца, што царква абавязана прытрымлівацца артыкула 16 Канстытуцыі і артыкула 8 закона «Аб свабодзе сумлення і рэлігійных арганізацый».

Калі парушэнне паўторыцца на працягу года, суд можа пазбавіць Беларускую праваслаўную царкву юрыдычнага статусу і забараніць яе дзейнасць на тэрыторыі Беларусі.

У артыкуле 16 Канстытуцыі пішацца, што забараняецца дзейнасць рэлігійных арганізацый, якая скіравана супраць суверэнітэту Беларусі і канстытуцыйнага ладу. А ў артыкуле 8 закона «Аб свабодзе сумлення і рэлігійных арганізацый» — што царква не ўдзельнічае ў дзейнасці палітычных партый, а ў месцах набажэнстваў не дапускаецца мітынгаў і агітацыі.

У адной з епархій «Нашай Ніве» пацвердзілі, што такі дакумент атрымлівалі. Але з чым канкрэтна звязана папярэджанне, там не ведаюць.

Упаўнаважаны па справах рэлігіі і нацыянальнасцяў Аляксандр Румак адмовіўся каментаваць сітуацыю і назваць прычыны папярэджання.

Прадстаўнікі праваслаўнай царквы не раз асуджалі гвалт. Так, у жніўні гродзенскі архіепіскап Арцемій выступіў з палымяным казаннем:

«Трэба гаварыць. Вучыцца ў іх, у моладзі! А той, хто старэйшае пакаленне, якое бурчыць, настаўнікі: «Мы там палітыку ўбачылі» — вам на каленях трэба стаяць, за ўсе фальсіфікацыі, за тую хлусню, якую вы пхалі нашым дзецям! За гэты БРСМ, за камсамол, за ўсё тое, што было… атэістычнае. Вось вынік вашага выхавання! Цяпер вашы выхаванцы з ланцуга сарваліся! Яны прагнуць крыві. Яны шалёныя».

А ў канцы лістапада з пасады прэс-сакратара сышоў Сяргей Лепін, які асудзіў разбурэнне сілавікамі народнага мемарыяла памяці Рамана Бандарэнкі.

Чытайце таксама:

Архіепіскап гродзенскі — настаўнікам: «Вам на каленях трэба стаяць, за ўсе фальсіфікацыі, за тую хлусню»

Прэс-сакратар БПЦ Сяргей Лепін напісаў заяву на звальненне

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Усе навіны →
Усе навіны

Ціханоўская павіншавала Наўроцкага з абраннем на пост прэзідэнта Польшчы22

Лукашэнка паляцеў у Кітай. Гэта сустрэча павінна была адбыцца яшчэ ў студзені3

З'явіліся першыя спадарожнікавыя здымкі авіябазы «Белая», на якіх відаць наступствы атакі СБУ2

Сцяпан Пуціла: У час пратэстаў нас чатыры чалавекі ў рэдакцыі было. І дзвесце паведамленняў на хвіліну17

«Яны ўсе сябравалі супраць мяне». У Мінску судзяць мужчыну за лжывыя даносы на канкурэнтаў1

Апублікаваны поўны тэкст мірных прапаноў Украіны, якія Кіеў прадставіць на перамовах у Стамбуле7

Украіна перадала свой мемарандум Расіі на ўкраінскай і англійскай мовах4

Як выглядае самая недарагая кватэра ў сэрцы Мінска. Усяго за 295 тысяч даляраў1

Падарожнік з Казахстана расказаў, як прарываўся праз мяжу Беларусі і ЕС. Атрымалася толькі з трэцяй спробы7

больш чытаных навін
больш лайканых навін

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Галоўнае
Усе навіны →

Заўвага:

 

 

 

 

Закрыць Паведаміць