Былы прэзідэнт Казахстана Нурсултан Назарбаеў выказаўся аб перайменаваннях у свой гонар. Сваю пазіцыю ён расказаў у дакументальным фільме ў эфіры тэлеканала «Хабар».
Па словах Назарбаева, ён быў супраць такіх рашэнняў і забараняў іх, знаходзячыся на пасадзе прэзідэнта, аднак падобныя прапановы паступалі да яго ў кожны дзень нараджэння. «Як можна школу [казахскага паэта] Абая, якую я скончыў, перайменаваць у мой гонар? Гэта абсалютна няправільна», — заявіў ён.
Назарбаеў згадаў і перайменаванне сталіцы дзяржавы Астаны ў Нур-Султан. «Мне асабіста гэта не трэба зусім. Вось некаторыя, асабліва кіраўнікі, думаюць: «Вось пасля мяне застанецца такая памяць». Мяне няма, якая розніца, што застанецца! — заявіў Назарбаеў. — Таму я б папрасіў, каб гэтым не захапляліся».
Тым не менш Астана была перайменаваная ў Нур-Султан у 2019 годзе.
