Bloomberg: Здаецца, вакцына Sputnik V лепшая за кітайскую Coronavac
Агенцтва Bloomberg прааналізавала расійскую вакцыну ад каранавіруса Спутнік V. Нягледзячы на агульны скепсіс, водгук атрымаўся станоўчы. На думку старшага фарманалітыка Bloomberg Сэма Фазелі, расійская вакцына, здаецца, лепшая за кітайскую CoronaVac.
Аўтар адзначае, што Расія не апублікавала звесткі аб сваёй вакцыне на позняй стадыі III фазы. Аднак некаторыя высновы можна зрабіць па прэс-рэлізах.
Sputnik V быў пратэставаны ў выпрабаванні фазы III з удзелам 22 714 падыспытных, з трыма прамежкавымі аналізамі, калі колькасць пацверджаных выпадкаў дасягнула 20, 39 і 78 адпаведна.
Эфектыўнасць кожнага прамежкавага аналізу ў даследаванні Sputnik V нязменна складала 90% або вышэй. Не было таксама выпадкаў цяжкай формы Covid-19 у вакцынаваных асоб, хоць крытэрыі вызначэння цяжкасці захворвання не ясныя.
Sputnik V быў распрацаваны з выкарыстаннем перадавой тэхналогіі вакцынацыі, якая выкарыстоўваецца ў прэпаратах партнёрства AstraZeneca-Oxford University і Johnson&Johnson. Гэтыя двухдозныя вакцыны выкарыстоўваюць адэнавірусныя вектары.
Разам узятыя гэтыя дэталі — нават без вынікаў фазы III — даюць падставу думаць, што вакцына Sputnik V цалкам можа быць моцным кандыдатам. А вось пра кітайскую вакцыну CoronaVac такога сказаць нельга.
Таму аналітык Bloomberg адзначыў, што для сябе ён выбіраў бы вакцыну Sputnik V, а не CoronaVac.
-
Сэрвіс, які дазваляе дзяўчатам абменьвацца звесткамі пра мужчын, стаў самым папулярным у ЗША. Але нешта пайшло не так
-
Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній
-
Праз Сонечную сістэму ляціць аб'ект, паводзіны якога нагадваюць кіраваны касмічны карабель
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары