Суд у Мінску прызначыў ўдзельніку пратэстаў пакаранне ў выглядзе трох гадоў абмежавання волі ў папраўчай установе адкрытага тыпу за блакаванне руху транспарту. Пра гэта паведаміла пракуратура сталіцы.

Мінск, 23 верасня. Ілюстрацыйнае фота

Адзначаецца, што пракуратура Ленінскага раёна Мінска падтрымала ў судзе дзяржаўнае абвінавачванне па крымінальнай справе ў дачыненні да маладога чалавека, які сумесна з іншымі людзьмі блакаваў рух транспарту. Суд Ленінскага раёна вынес у дачыненні да маладога чалавека абвінаваўчы прысуд. Ён прыгавораны да трох гадоў абмежавання волі з накіраваннем у папраўчую ўстанову адкрытага тыпу».

З 23 па 24 верасня на скрыжаванні вуліцы Пляханава і праспекта Ракасоўскага ў Мінску малады чалавек «публічна выкрыкваў лозунгі, гучна хлопаў рукамі, а затым сумесна з іншымі грамадзянамі выйшаў на праезную частку і заблакаваў рух транспарту, уключаючы грамадскі».

У выніку дзеянняў абвінавачанага адбылося спыненне транспарту, адзначаецца, што пры гэтым на патрабаванні супрацоўнікаў міліцыі ён не рэагаваў.

Хочаш падзяліцца важнай інфармацыяй ананімна і канфідэнцыйна?