«Нью-Джэрсі» ў серыі булітаў саступіў «Бостану» ў стартавым хатнім матчы рэгулярнага чэмпіянату НХЛ з лікам 2:3.
Беларускі форвард гаспадароў Ягор Шаранговіч дэбютаваў у наймацнейшай лізе свету, якая пачала сезон толькі пару дзён таму з-за каранавіруса. Апошні раз беларус (гэта быў Міхаіл Грабоўскі) гуляў у НХЛ у сакавіку 2016 года.
Ягор выходзіў на лёд у першай тройцы разам з Джэкам Х'юзам і Кайлам Палм'еры, гуляў у спецбрыгадзе меншасці, а таксама ў авертайме. Ягор правёў на лёдзе 17 хвілін 23 секунды (чацвёрты сярод форвардаў «Нью-Джэрсі»), выканаў 2 кідкі, заблакаваў кідок, выйграў 80% укідванняў (4/5), зрабіў 2 перахопы і дапусціў 4 страты, завяршыўшы матч з паказчыкам карыснасці «+1». Акрамя таго, гульцы «Бостана» зарабілі на Шаранговічы тры малыя штрафы, піша «Прэсбол».
16 студзеня (субота) «Нью-Джэрсі» зноў прыме «Бостан». Пачатак матчу ў 21.00 па беларускім часе.
Асуджаны за «Гаюн» да хіміі брат Ігара Лосіка ўцёк з Беларусі3
Каментары