У рэдакцыю Tut.by даслалі дакумент, у якім гаворыцца пра неабходнасць усталяваць дзяржаўныя сцягі Беларусі на дахах будынкаў рэзідэнтаў Парку высокіх тэхналогій. У ПВТ пацвердзілі сапраўднасць дакумента, дадаўшы, што гэта зварот атрыманы з адміністрацыі Першамайскага раёна Мінска, адпаведна, гэты ліст атрымалі толькі рэзідэнты Першамайскага раёна.
Выданне dev.by таксама валодае такім жа дакументам.
У лісце ёсць спасылка на рашэнне Мінгарвыканкама, дзе ў тым ліку ёсць «план дадатковых мер па забеспячэнні грамадскага парадку і бяспекі, дысцыпліны, навядзення парадку на тэрыторыі г. Мінска».
Адзначаецца, што сярод іншых задач Мінгарвыканкам і адміністрацыі раёнаў павінны арганізаваць «работы па папулярызацыі і размяшчэнні дзяржаўнай сімволікі», прычым тэрмін выканання пазначаны як «пастаянны».
