Здымкі Сяргея Гудзіліна
Кубак Беларусі па футболе паехаў сёлета ў Наваполацк. У фінальным матчы за трафей «Нафтан» у дадатковы час зламаў супраціў салігорскага «Шахцёра» — 2:1.
Лік у першым тайме прыгожым ударам адкрыў вядомы бамбардзір Валеры Стрыпейкіс. У другім тайме салігорцы пайшлі наперад, і за дзве хвіліны да канца матчу Сяргей Кавальчук ударам з‑за межаў штрафной лік зраўняў.
Здавалася, што цяпер псіхалагічная перавага будзе на баку «гарнякоў». Дзе там у першым дадатковым тайме абаронца зборнай Дзмітры Верхаўцоў прынёс «Нафтану» перамогу.
Навапалачане шчыра падзякавалі за падтрымку сваіх фанатаў, якіх прыехала ў Мінск блізу дзесяці аўтобусаў. Уручэнне Кубку нагадала міні Лігу чэмпіёнаў. «Нафтан» упершыню ў гісторыю стаў уладальнікам Кубку Беларусі.
Апроч трафею, наваполацкі клуб заваяваў пуцёўку ў Лігу Еўропы.
0
0
0
0
0
0
