01.06.2009 / 16:06

Машкевіч сустрэў 50-годдзе ў кампаніі Мілінкевіча і Шалкевіча + фота 6

31 траўня споўнілася 50 гадоў былому паслу Польшчы ў Беларусі Марыюшу Машкевічу. «Наша Ніва» павіншавала пана Машкевіча з юбілеем і задала некалькі пытанняў.

31 траўня споўнілася 50 гадоў былому паслу Польшчы ў Беларусі Марыюшу Машкевічу. «Наша Ніва» павіншавала пана Машкевіча з юбілеем і задала некалькі пытанняў.

Падчас падзеяў Плошчы ў 2006 г. Мінскі суд пакараў Машкевіча арыштам на 15 сутак.

«Наша Ніва»: Пан Машкевіч, у якім настроі сустрэлі пяцідзесяцігоддзе?

Марыюш Машкевіч: Сустрэў у добрай кампаніі сваіх беларускіх і польскіх сяброў, у маім доме пад Варшавай, у Міхаловіцах. Былі Аляксандр Мілінкевіч, Уладзімір Падгол, Мікола Маркевіч, Тадэвуш Гавін, Віктар Шалкевіч, Пётра Рудкоўскі. Прэзентавалі кнігу «Беларусь у бок Еўропы», а таксама польскія пераклады Уладзіміра Арлова. Некаторыя іншыя кнігі, што выйшлі ў серыі Biblioteka Bialoruska Калегіуму Усходняй Еўропы. Як бачыце, нават дзень нараджэння святкаваў з беларусамі.

«НН»: А ўвогуле, ці атрымліваецца сачыць за беларускімі падзеямі?

ММ: Заўсёды з цікавасцю сачу за тым, што адбываецца ў Беларусі. Імкнуся быць у курсе вашых справаў. Штодня чытаю беларускія сайты, у тым ліку nn.by.

«НН»: А як ацэньваеце тое, што беларускія ўлады абвясцілі курс на збліжэнне з Захадам?

ММ: Складанае пытанне. Магу толькі сказаць, што рух убок Еўропы замацоўвае беларускую незалежнасць.

«НН»: А чым увогуле зараз займаецеся?

ММ: Я кадравы работнік Міністэрства замежных спраў. Цяпер вось чакаю новага прызначэння. Таксама займаюся навуковай дзейнасцю.

«НН»: Якія планы на бліжэйшыя 50 гадоў?

ММ: Напісаць шмат кніжак. (Смяецца)

Марыюш Машкевіч (нар. у Ілаве 31 траўня 1959) — доктар гуманітарных навук, дыпламат, публіцыст. Заснавальнік першага польскага консульства ў Гродна, генеральны консул у Горадні ў 1994 — 1997 гадах. Пасол Польшчы ў Беларусі (1998 — 2002). 24 сакавіка 2006 г. быў затрыманы міліцыяй на Кастрычніцкім пляцы ў Мінску падчас пратэстаў прыхільнікаў пераменаў. Мінскі суд пакараў Машкевіча арыштам на 15 сутак.

Гутарыў Зміцер Панкавец

Хочаш падзяліцца важнай інфармацыяй ананімна і канфідэнцыйна?

0
More Air / Адказаць
01.06.2009 / 16:31
Віншую пана Марыюша з першым юбілеем! Жадаю ў добрых справах і кнігах, сябрах і падзеях дачакаць другі - 100годдзе.
0
падгольскія орды ідуць / Адказаць
01.06.2009 / 18:28
так надакучылі пісакі (сп.Машкевіча ня ведаю), кніжкі якіх ніхто з сур"ёзных людзей не чытае. Разгул правінцыяльнай графаманіі падголаў...
0
alex / Адказаць
01.06.2009 / 20:39
віншую спадара Марыюша! плёну ў працы!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру