У заяве адзначаецца пагаршэнне стану здароўя Лосіка пасля 6 тыдняў галадоўкі, абвешчанай 15 снежня ў знак пратэсту супраць зняволення, якое доўжыцца ўжо паўгода. Яму інкрымінуюцца злачынствы, прысуд за якія можа пагражаць зняволеннем да 8 гадоў.
Прэзідэнт медыякарпарацыі Тэд Ліпень выказаў глыбокую занепакоенасць пагаршэннем стану здароўя Лосіка і паўтарыў неаднаразовыя заклікі кіраўнікоў карпарацыі да яго неадкладнага вызвалення.
«Ігар Лосік нічога не зрабіў, каб заслужыць гэты лёс, акрамя як імкнуўся быць адказным журналістам і летапісцам падзей у Беларусі. Лосік ніколі не павінен быў быць арыштаваны і адлучаны ад сям’і. Беларускія ўлады павінны зразумець, што выправіць гэтую страшную несправядлівасць можа быць ужо позна», — заявіў Тэд Ліпень.
