juventus.com

Форвард «Ювентуса» Крышціяну Раналду забіў «Напалі» ў Суперкубку Італіі і дапамог камандзе заваяваць гэты трафей (2:0). Гэты гол стаў для партугальца 760-м за клуб і зборную ў афіцыйных матчах, піша sports.ru.

Squawka і шэраг іншых крыніц адзначаюць, што па гэтым паказчыку Раналду абышоў экс-форварда зборных Аўстрыі і Чэхаславакіі Ёзэфа Біцана (759 галоў). Следам за імі ідзе Пеле (757 мячоў).

Праўда, іншыя крыніцы кажуць, што ёсць і іншыя звесткі па колькасці забітых мячоў у Біцана, Пеле і іншых бамбардзіраў мінулых гадоў.

Напрыклад, па падліках Rec.Sport.Soccer Statistics Foundation (RSSSF), Біцан забіў 805 галоў, экс-форвард зборнай Бразіліі Рамарыа — 772, Пеле — 767.

Хочаш падзяліцца важнай інфармацыяй ананімна і канфідэнцыйна?