15 студзеня ў выдавецтва «Янушкевіч» прыйшлі з аглядам супрацоўнікі ДФР. Дырэктара Андрэя Янушкевіча выклікалі на допыт. Увечары яго адпусцілі, але цяпер рахункі выдавецтва заблакаваныя. Заблакаваныя рахункі і выдавецтва «Кнігазбор», Генадзя Вінярскага таксама адвозілі ў ДФР.
Першай кнігай выдавецтва «Янушкевіч», выдадзенай у 2021 годзе, павінна была стаць аповесць нямецкага пісьменніка Адфрыда Пройслера «Крабат», якую пераклаў на беларускую мову Сяргей Матырко. Яна арыентавана на падлеткаў, але можа быць цікавая і дарослым, піша Tut.by.
Але выхад гэтага выдання адкладаецца. З-за блакавання рахункаў «мы не можам плаціць друкарням. Праз гэта выхад новых кніг пакуль спыняецца» — напісаў супрацоўнікі выдавецтва на сваёй старонцы ў Фэйсбуку. Тая ж сітуацыя — і ў выдавецтве «Кнігазбор».
— У нас таксама арыштаваныя рахункі. На прыбытак адчыненыя — на расход заблакаваныя, - паведаміў дырэктар выдавецтва Генадзь Вінярскі.
Пры гэтым сайт januskevic.by па-ранейшаму працуе. А значыць, з дапамогай яго можна купляць кнігі.
Выданні «Кнігазбору» прадаюцца праз кнігарні і прыватных распаўсюднікаў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары