Раніцай 14 лістапада 2020 года ў Наваполацку стартаваў пралукашэнкаўскі аўтапрабег. Маршрут праходзіў праз Верхнядзвінск, Мёры, Шаркаўшчыну, Глыбокае і фінішаваў каля помніка вызваліцелям Полацка. Калі транспартная калона праязджала каля пасёлка Баравуха-1 Полацкага раёна, у шасці аўтамабілях прабіліся колы. Пашкоджанні сталі вынікам наезду на цвікі, якія былі раскіданыя на праезнай частцы.
Па факце хуліганства следчыя распачалі крымінальную справу. Агульны ўрон склаў 100 рублёў.
А ў студзені сілавікі знайшлі 37-гадовага падазраванага з Наваполацка.
