Мінскі гарадскі суд адмовіў у задавальненні скаргі абароны сябра прэзідыума Каардынацыйнай рады (КР) беларускай апазіцыі Марыі Калеснікавай на працяг тэрміну ўтрымання пад вартай. Пра гэта паведаміла прэс-служба КР.

«21 студзеня абарона Марыі Калеснікавай у Мінскім гарадскім судзе абскардзіла працяг тэрміну ўтрымання ў СІЗА. Нічога неверагоднага не здарылася: аргументы адваката засталіся без задавальнення. Марыя застаецца ў СІЗА да 8 сакавіка», — адзначылі ў прэс-службе Рады.

Калеснікаву затрымалі ў ноч з 7 на 8 верасня. Яе спрабавалі вывезці за мяжу, але Марыя парвала свой пашпарт. 16 верасня ёй было выстаўлена абвінавачанне ў публічных закліках да захопу дзяржаўнай улады або гвалтоўнага змянення канстытуцыйнага ладу Беларусі.

Хочаш падзяліцца важнай інфармацыяй ананімна і канфідэнцыйна?