Аляксандр Лукашэнка прыняў сёння з дакладам старшыню Магілёўскага аблвыканкама Леаніда Зайца.
«Як мы і дамаўляліся пры назначэнні вас на пасаду, галоўная задача перад губернатарам Магілёўшчыны — вывесці вобласць на пэўны ўзровень. Як я тады сказаў, у хвасце плесціся Магілёўская вобласць не павінна», — цытуе Лукашэнку БелТА.
Паводле яго слоў, вынікі работы вобласці хоць і нельга назваць уражальнымі, але яны дастаткова высокія.
«Вы па сваім ВРП спрацавалі прыкладна на 101 працэнт. Нядрэнны паказчык, у гэтых адносінах трэба аддаць належнае. Але ўсе астатнія паказчыкі ў нас вымушаюць жадаць лепшага. Таму бачыць толькі станоўчае і не звяртаць увагі на тое, дзе трэба напружыцца, будзе няправільна: мы проста спынімся ў развіцці. Будзем лічыць, што мінулы год (гэта прызнана ва ўсім свеце) не з'яўляецца крытэрыем, эталонам для таго, каб рабіць нейкія высновы. Будзем глядзець у будучыню. Але тое, што вам удалося разварушыць магіляўчан, гэта бясспрэчны факт», — заявіў Лукашэнка.
«Трэба мабілізаваць усё тое, што маем, а потым брацца за нешта новае. Будзем зыходзіць з гэтага», — сказаў Лукашэнка.
Каментары