Прэзідэнт Гітанас Наўседа падчас дыстанцыйнай прэс-канферэнцыі заявіў, што Літва можа спадзявацца на вакцынацыю 70% дарослага насельніцтва краіны да пачатку ліпеня гэтага года, піша Delfi.lt.
«Я б хацеў падзяліцца пэўнай інфармацыяй, атрыманай на ўчорашнім пасяджэнні Рады Еўропы, падчас якога размаўлялі аб пастаўках вакцыны, яе размеркаванні і паскарэнні. Старшыня Еўракамісіі Урсула фон дэр Ляен запэўніла нас, што Літва ў I і ў II кварталах, практычна да пачатку лета, зможа вакцынаваць 70% дарослага насельніцтва краіны. Гэта нашмат больш, чым мы планавалі і спадзяваліся да нядаўняга часу», — сказаў Наўседа.
Прэзідэнт сказаў, што Літва атрымае каля 4 млн. доз. Паводле яго слоў, вакцынацыя 70% жыхароў можа быць дасягнута да «дня каранацыі Міндоўга» [6 ліпеня].
Ён сказаў, што перамены будуць магчымыя, калі ў найбліжэйшы час зацвердзяць вакцыну кампаніі Aztrazenecа.
«Гэтае пытанне будуць абмяркоўваць у наступную пятніцу, калі рашэнне будзе станоўчым, вакцына паступіць у Літву ў сярэдзіне лютага. На чарзе іншая буйная кампанія-Johnson and Johnson», — сказаў Наўседа. Гэтую вакцыну абмяркуюць у сакавіку, калі рашэнне будзе станоўчым, то вакцына з'явіцца ў Літве ў красавіку. Гэтая вакцына адрозніваецца тым, што, магчыма, дастаткова будзе адной дозы.
«Магчыма, хопіць і адной дозы вакцыны Johnson and Johnson, зараз праводзяць даследаванні», — сказаў прэзідэнт Літвы.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары