Рэліз Генпракуратуры:

«Згодна з матэрыяламі справы Барысевіч у перыяд з 12 па 13 лістапада 2020 года ў парушэнне парадку атрымання, прадастаўлення і распаўсюджвання інфармацыі, якая складае медыцынскую таямніцу, без згоды пацыента або іншых упаўнаважаных асоб у ходзе неаднаразовых злучэнняў па сетках электрасувязі з Сарокіным шляхам просьбаў і ўгавораў схіліла яго да прадастаўлення вуснай інфармацыі пра пацыента бальніцы Рамана Бандарэнку, які праходзіў лячэнне і памёр у паказанай установе 12 лістапада 2020 года, а таксама да перадачы праз месенджар Telegram фотакопій медыцынскай дакументацыі Бандарэнкі.

Пры гэтым Барысевіч, атрымаўшы першапачаткова адмову ад іншых медработнікаў паведаміць пытанні, якія яе цікавяць, усведамляла, што запытаная інфармацыя ў адпаведнасці з арт. 46 закона Рэспублікі Беларусь «Аб ахове здароўя» складала медыцынскую таямніцу, а яна не з'яўлялася асобай, што мае права на яе атрыманне і распаўсюджванне.

Паддаўшыся ўгаворам, Сарокін наўмысна незаконна разгалосіў звесткі аб факце паступлення Бандарэнкі ў стацыянар і стане яго здароўя, наяўнасці захворвання, дыягназе, выніках медыцынскага агляду і іншыя звесткі, у тым ліку асабістага характару.

Барысевіч выкарыстала атрыманую ад Сарокіна інфармацыю і электронныя фатаграфіі дакументаў для падрыхтоўкі матэрыялу, які пад загалоўкам «Доктар БХМД: «У Рамана Бандарэнкі было нуль праміле алкаголю, наогул нічога не знайшлі» быў размешчаны 13 лістапада 2020 года ад яе імя на інтэрнэт-партале tut.by.

Распаўсюд інфармацыі, у тым ліку лжывай, неабмежаванаму колу асоб і яе проціпастаўленне афіцыйным каментарам дзяржорганаў выклікалі грамадскі рэзананс і стварылі атмасферу недаверу да кампетэнтных службаў. Гэта негатыўна паўплывала на стан правапарадку і пацягнула за сабой цяжкія наступствы — прывяло да павышэння напружанасці ў грамадстве, заахвоціла грамадзян да правядзення незаконных масавых мерапрыемстваў, іншых супрацьпраўных дзеянняў.

Дзеянні Барысевіч кваліфікаваныя па ч. 5 арт. 16 («Саўдзел у злачынстве») і ч. 3 арт. 178 («Разгалашэнне медычнай таямніцы») КК Рэспублікі Беларусь, Сарокіна — па ч. 3 арт. 178 КК Рэспублікі Беларусь.

У дачыненні да абвінавачаных мера стрымання ў выглядзе заключэння пад варту пакінутая без змены».

178 КК Рэспублікі Беларусь: дзеянні, прадугледжаныя часткамі 1 або 2 гэтага артыкула, якія пацягнулі цяжкія наступствы, караюцца пазбаўленнем волі на тэрмін да трох гадоў са штрафам і з пазбаўленнем права займаць пэўныя пасады або займацца пэўнай дзейнасцю або без пазбаўлення.