Жанчына ў Піцеры, якую амапавец ударыў нагой у жывот, пабывала ў рэанімацыі
54-гадовая жыхарка Пецярбурга Маргарыта Юдзіна, якую ўчора супрацоўнік паліцыі ўдарыў нагой у жывот падчас разгону мітынгу, знаходзіцца ў шпіталі.
У яе сур'ёзная траўма галавы, за ноч ёй стала горш. Маргарыта знаходзіцца ў рэанімацыйным аддзяленні, паведамляе расійскі рэсурс Baza.
Яе крыўдзіцель пакуль не знойдзены.
Вось відэа таго дзікага моманту: жанчына спыталася ў сілавікоў, нашто яны затрымалі юнака.
Дырэктар НДІ хуткай дапамогі імя Джанелідзэ Вадзім Манукоўскі заявіў выданню «Подъем», што стан здароўя жанчыны не страшны.
«У яе лёгкая траўма, там наогул ніякіх праблем. Яна ў прытомнасці, адчувае сябе цудоўна, я б яе ўвогуле выпісаў».
У той жа час РІА Новости ў НДІ імя Джанелідзэ пацвердзілі, што жанчына знаходзіцца ў рэанімацыі.
Учора ў сотні гарадоў Расіі людзі выйшлі на вуліцы, пратэстуючы супраць карупцыі расійскай вярхушкі і арышту антыкарупцыйнага блогера Аляксея Навальнага. У Маскве дэманстрантаў было каля 40 тысяч.
Ніколі раней пратэсты ў рэгіёнах не былі такімі масавымі. У Ніжнім на вуліцу выйшлі 10 тысяч чалавек, у Екацярынбургу, Уладзівастоку, Іркуцку і яшчэ сотні абласных гарадоў — дзе тысячы, дзе сотні.
Як і ў Беларусі, у Расіі цяпер людзей разганяюць і затрымліваюць за сам факт пратэсту, а дзяржаўныя СМІ прыраўноўваюць любы пратэст супраць існуючай сістэмы да злачынства.
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце22
Каментары