Бацькі прасілі адпусціць сына — усіх траіх забралі на Акрэсціна і далі максімальна магчымыя суткі
На Акрэсціна адправілі цэлую сям’ю Рудзёў — бацьку, маці і сына.
Уладзіміра, Святлану і іх сына Андрэя затрымалі 23 студзеня каля станцыі метро «Спартыўная».
«Гэта было недзе ў 15:30. Яны ішлі ў метро, калі на дарозе спыніўся бусік і адтуль выскачылі сілавікі. Яны пабеглі за братам і яшчэ адным хлопцам у шапцы Дзеда Мароза. Брата затрымалі ў дварах. Бацькі падышлі, прасілі адпусціць яго. Ім спачатку казалі сысці. А пасля прапанавалі праехаць у РУУС і там усё вырашыць», — расказвае дачка Ганна.
З аддзялення нікога ўжо не выпусцілі.
У пратаколе сям'і напісалі, што яны пікетавалі на вуліцы Бельскага. Бацьку Уладзіміру накінулі яшчэ і артыкул за «непадпарадкаванне» — пабачылі, што раней яго ўжо затрымлівалі (у лістападзе пасля маршу мужчына адседзеў 15 сутак). Па версіі міліцыі, ён супраціўляўся затрыманню і садзіўся на зямлю.
У панядзелак асудзілі сына і маці — суддзя Фрунзенскага раёна Юлія Чыж далі ім па 15 сутак. Пасяджэнне па бацьку адклалі на аўторак. Дачка цэлы дзень збірала відэа з камер назірання дома, дзе добра відаць, што бацька паводзіў сябе спакойна. Суд двойчы рабіў перапынак, каб вывучыць запісы.
Што змянілася? Версія сведкі-міліцыянта: ён распавёў на пасяджэнні, што Уладзімір сапраўды да буса прайшоў самастойна, але ўжо перад дзвярыма нібыта пачаў упірацца. Суддзя Ала Скуратовіч пакарала мужчыну 25 суткамі.
Андрэю 20, ён студэнт.
«Студэнты — любімая катэгорыя ў судах, таму я разумела, што без шанцаў. Думаю, брат таксама. Больш за ўсё перажывала за маці, якой 55 год — чаму б ёй не выпісаць хаця б штраф?» — засмучваецца дзяўчына.
Пасля суда яна ездзіла ў ЦІП перадаць лекі бацькам — яны сардэчнікі.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Паветраная гімнастка паказала закуліссе працы ў Белдзяржцырку7
Каментары