У сераду, 27 студзеня, у судзе Ленінскага раёна Магілёва разгледзяць справу Аляксея Барысава паводле арт 23.34 КаАП за вывешаны на балконе бел-чырвона-белы сцяг, паведамляе «Mayday».
6 снежня да Барысава ў кватэру прыйшлі супрацоўнікі міліцыі.
Сілавікі сцвярджалі, што фармальнай прычынай стала скарга суседзяў. Тыя ўбачылі на балконе Барысава нацыянальны сцяг і паведамілі ў міліцыю.
У кватэры актывіста правялі агляд, канфіскавалі камп'ютарную тэхніку, тэлефон, два бел-чырвона-белыя сцягі, улёткі з перадвыбарнай кампаніі Святланы Ціханоўскай, паштоўкі і плакаты з ёй. Агляд праводзіў, у тым ліку, асабіста начальнік аддзела аховы правапарадку і прафілактыкі Ленінскага РАУС Магілёва Цімур Пахоменка.
Каментары