Пра гэта Tut.by паведамілі некалькі не звязаных адна з адной крыніц.
— Пракурор горада Віцебска Юрый Раманоўскі затрыманы пры атрыманні хабару — на сваім працоўным месцы. Затрымлівалі яго супрацоўнікі КДБ. Раманоўскага адвезлі ў Мінск, — паведаміла Tut.by крыніца ў гарадской пракуратуры.
Адна крыніца сцвярджае, што затрыманне адбылося ў пятніцу, 22 студзеня, у канцы працоўнага дня. Іншая распавяла, што гэта адбылося раней, але сапраўды на мінулым працоўным тыдні.
У прыёмнай пракуратуры Віцебска ў сераду паведамілі, што «Юрыя Уладзіміравіча няма, ёсць выконваючы абавязкі».
В. а. пракурора Віцебска Кірыл Дубоў (раней — намеснік Раманоўскага) адмовіўся ад каментароў.
Пазней Генпракуратура заявіла, што Раманоўскі сапраўды звольнены, але не затрыманы.
