25-гадовую настаўніцу з Брэста Марыну Глазаву разам з іншымі палітвязнямі судзяць па «вадамётнай справе». Фота з фэйсбука яе таты Уладзіміра Глазава.

Валодзю і Марыне Глазавым

Я быў там так даўно,
што не пазнаць дэталяў.
Адні пайшлі на дно,
другія й не ўсплывалі.

Сяброўкі і сябры,
знікомая эскадра,
нябесныя двары
вартуе ваша варта.

Паўз карусель трывог,
палаты слёз і злосці,
вядзе нас нейкі бог
пад музыку мілосці.

У наш птушыны хор
ўпляліся гукі маршаў,
густой крыві кагор
і вадкіх будняў каша.

На беразе тугі,
пад кронамі адчаю —
трымайся, дарагі.
Трымайся, дарагая.

Хочаш падзяліцца важнай інфармацыяй ананімна і канфідэнцыйна?