Для падрыхтоўкі візіту прэзідэнта Нацыянальнага алімпійскага камітэта Лівіі Мухамеда Кадафі ў Мінск прыбыла дэлегацыя гэтай краіны
на чале з прэзідэнтам федэрацыі па настольным тэнісе Бакірам Фарэсам, паведамляе сайт беларускага НАК.

На сустрэчы ў алімпійскім камітэце 2 чэрвеня Фарэс паведаміў пра намер заключыць шэраг дамоваў аб супрацоўніцтве з беларускімі федэрацыямі па відах спорту, а таксама арганізаваць у Беларусі вучэбна‑трэніровачныя зборы і спартыўныя лагеры для лівійскіх нацыянальных каманд.

Генеральны сакратар НАК Георгій Катулін заявіў пра гатоўнасць падпісаць пагадненне з алімпійскім камітэтам Лівіі.

Пасля перамоў лівійская дэлегацыя наведала Музей алімпійскай славы.

Тэрміны візіту Мухамеда Кадафі, які з`яўляецца сынам лідэра Лівіі Муамара Кадафі, пакуль невядомыя
, паведаміў прэс‑аташэ беларускага НАК Пётр Рабухін.

Муамар Кадафі наведаў Беларусь у пачатку лістапада мінулага года.

Хочаш падзяліцца важнай інфармацыяй ананімна і канфідэнцыйна?