Артыста камернага хору Дзяніса Іванова выпусцілі на волю. Адну з дзяўчат, якая сустракала яго, затрымалі
Артыст камернага хору Дзяніс Іваноў выйшаў на волю, паведамляюць «Выбары бачыш» са спасылкай на яго родных.
Пры гэтым паведамляецца аб затрыманні побач з ізалятарам на Акрэсціна адной з дзяўчат, якая сустракала Іванова. Затрыманая прадзюсар і рэжысёр Карына Хацкалава, піша Tut.by.
Дзяніса затрымалі 25 студзеня на працоўным месцы ў Белдзяржфілармоніі. Суд адправіў яго справу на дапрацоўку. У чацвер міналі трое сутак з моманту яго затрымання, але Дзяніс не выйшаў.
29 студзеня прайшоў яшчэ адзін суд, на якім высветлілася, што на артыста складзены новы пратакол. Справу зноў адправілі на дапрацоўку.
У выніку музыка быў затрыманы шэсць сутак — і выйшаў на волю. На яго складзена два пратаколы паводле адміністрацыйных артыкулаў (абодва на дапрацоўцы).
Каментары