Як вынікае з даных дзяржрэгістра нерухомай маёмасці Беларусі, участак быў перададзены ва ўласнасць Аляксандра Глеба ў пачатку кастрычніка 2020 года. Падстава — рашэнне Папярнянскага сельскага савета. Вось прыкладныя межы гэтай зямлі:

Адметна, што Глебу належаць два катэджы ў Лапаровічах. Адзін з іх ён набыў яшчэ ў 2014 годзе, другі, суседні, год таму.

Участак мяжуе з зямлёй Жэрара Дэпард'ё, якую ён атрымаў у арэнду ў 2019 годзе, але пакуль на ёй так нічога і не пабудаваў.

Ад ўчастка Глеба да Мінскага мора — каля ста метраў. Побач таксама знаходзяцца дамы Дар'і Домрачавай і старшыні Беларускай федэрацыі біятлона Андрыяна Цыбульскага.

Акрамя таго, недалёка ад гэтага месца хутка пачнецца будаўніцтва шматфункцыянальнага спартыўна-аздараўленчага комплексу. Гэтым праектам займаецца кампанія «ЭКВІЦІ груп», заснаваная ў ліку іншых буйным бізнэсменам Андрэем Шыхліным і, верагодна, унукам экс-прэзідэнта Кыргызстана Курманбека Бакіева Русланам Пятровым.