Данія пабудуе штучны востраў, а на ім — гіганцкую ветраэлектрастанцыю
Гэты будаўнічы праект стане найбуйнейшым у гісторыі Даніі. Ён злучыць сотні ветравых турбін, каб забяспечыць электраэнергіяй мільёны дамоў.
У чацвер Данія адобрыла праект будаўніцтва штучнага вострава ў Паўночным моры, які стане ветраэнергетычным хабам.
Калі востраў будзе збудаваны, ён будзе даваць электраэнергію для мільёнаў дамоў. Акрамя гэтага, ветравая энергія вострава будзе выкарыстоўвацца ў прамысловасці і транспарце, піша DW.
Гэта рашэнне было прынятае пасля таго, як ЕС абвясціў пра свае планы па электразабеспячэнні. На працягу дзесяцігоддзя краіны ЕС будуць імкнуцца перайсці да ўзнаўляльных крыніц энергіі, а да сярэдзіны стагоддзя паспрабуюць павялічыць выкарыстанне марской ветраэнергетыкі ў 25 разоў.
Востраў плануецца размясціць прыкладна за 80 кіламетраў ад заходняга ўзбярэжжа Даніі. Плошча вострава будзе складаць 0,12 квадратнага кіламетра.
Урад Даніі спадзяецца, што востраў пачне працаваць у 2033 годзе. Першы этап праекта будзе каштаваць прыкладна $33 мільярды.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары