Памятаецца, спецыяльна навучаныя людзі вельмі яхіднічалі з нагоды таго, як пасля прызнання Аляксандра Лукашэнкі нелегітымным заходнія паслы будуць уручаць яму даверчыя граматы.

Маўляў, калі нелегітымны, то якія граматы…

Як гэта граматна можна сумясціць, паказала нядаўна прызначаная амбасадарка ЗША Джулі Фішэр: яна проста спачатку сустрэлася са Святланай Ціханоўскай.

Джулі Фішэр і Святлана Ціханоўская каля труны Кастуся Каліноўскага ў Вільні

Цяпер калі Фішэр прыедзе ў Мінск, перад Лукашэнкам будзе стаяць альтэрнатыва:

1. Зрабіць выгляд, што нічога не здарылася, і такім чынам стварыць прэцэдэнт, калі новапрызначаны амбасадар публічна сустракаецца з Ціханоўскай і толькі потым з Лукашэнкам.

2. Скандаліць, не прымаючы Джулі Фішэр.

Што абярэ Лукашэнка? Не ведаю, але заяўленай перамогі лукашэнкаўскай дыпламатыі ў сувязі з магчымым прыездам у Беларусь амерыканскага амбасадара, ужо не будзе.

Хочаш падзяліцца важнай інфармацыяй ананімна і канфідэнцыйна?