Сёньня ў Менску адбыўся зьезд аргкамітэту руху салідарнасьці «Разам». Кіраўніком руху абраны Вячаслаў Сіўчык, а яго намесьнікамі актывіст прадпрымальніцкага руху Алесь Макаеў і былы камэндант намётавага гарадку на Кастрычніцкай плошчы ў Менску ў сакавіку 2006 года, актывіст Алесь Мазур.
У зьезьдзе бралі ўдзел 57 дэлегатаў.
У інтэрвію БелаПАН Вячаслаў Сіўчык сказаў, што аргкамітэт мае намер прыняць некалькі заяваў: па пытаньні этнацыду ў Беларусі, у абарону беларускіх прадпрымальнікаў, аб стратэгіі дзеяньняў праэўрапейскіх сілаў Беларусі і аб процістаяньні палітычным рэпрэсіям.
«Разам» возьме ўдзел у Кангрэсе эўрапейскіх сілаў «За эўрапейскія каштоўнасьці», які плянуецца правесьці ў Менску 21 чэрвеня.
