МУС пра разгон канцэрта пад Смалявічамі: Актывісты дэструктыўных тэлеграм-каналаў сабраліся пад выглядам вечарынкі
Прэс-служба МУС адрапартавала аб затрыманні дзясяткаў людзей на музычнай вечарынцы пад Смалявічамі. Нагадаем, позна ўвечары 13 лютага на базе адпачынку «Аганёк» у пасёлку Сокал Смалявіцкага раёна сілавікі затрымалі ўдзельнікаў і гледачоў канцэрта беларускіх гуртоў РСП («Разбітае сэрца пацана»), Panska Moc і Ok-Band.
У МУС паведамілі, што супрацоўнікі міліцыі спынілі «несанкцыянаванае масавае мерапрыемства з выкарыстаннем бчб-сімволікі». На думку міліцыі, «пад выглядам музычнай вечарынкі на аздараўленчай базе каля Смалявічаў сабраліся актывісты дэструктыўных тэлеграм-каналаў».
Усяго было затрымана 68 чалавек, уключаючы непаўналетніх. На дарослых складзеныя пратаколы за парушэнне парадку арганізацыі або правядзення масавых мерапрыемстваў, а ў дачыненні да бацькоў затрыманых падлеткаў праводзіцца праверка па факце невыканання імі абавязкаў па выхаванні дзяцей.
На гэты момант дзесяць чалавек адпусцілі (непаўналетніх і тых, у каго на ўтрыманні малалетнія).
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2020
Каментары