А1 запусціў сэрвіс А1 Xplore Music ад Deezer і невыпадкова прадставіў свой новы флагманскі прадукт 18 лютага на канцэрце On Air party на VOKA, дзе выступалі папулярныя беларускія гурты і выканаўцы. Ужо зараз абаненты кампаніі могуць атрымаць доступ да еўрапейскай стрымінгавай платформы на спецыяльных умовах, а ў хуткім часе слухаць там беларускамоўны кантэнт.
Дзякуючы такой калабарацыі ў карыстальнікаў А1 Xplore Music ад Deezer ёсць магчымасць слухаць любімую музыку, аўдыякнігі і падкасты з добрым гукам без перапынкаў на рэкламу і не траціць на гэта мабільны трафік. Акрамя таго, карыстальнікі змогуць атрымліваць персанальныя рэкамендацыі па падборы трэкаў, шукаць іх з дапамогай функцыі распазнавання песень і ствараць свой профіль у Deezer, каб дзяліцца плэйлістамі з сябрамі.
А1 плануе прасоўваць на Deezer свае ўласныя ініцыятывы і пашыраць на платформе беларускамоўны кантэнт.
На тое, каб пратэсціраваць і ацаніць новы прадукт, у абанентаў А1 ёсць месяц — першыя 30 дзён паслуга А1 Xplore Music ад Deezer бясплатная. Пасля — за 5,9 рубля ў месяц, хоць стандартная падпіска для ўсіх астатніх карыстальнікаў каштуе амаль 7 еўра. Сума будзе спісвацца з балансу рахунку мабільнага тэлефона. Актываваць А1 Xplore Music ад Deezer можна праз Асабісты кабінет абанента ў дадатку «Мой А1» ці на сайце А1.by.
