У Гродне міліцыя і МНС ліквідавалі «рыбнае месца» на Нёмане ФОТАФАКТ
Учора беларускі інтэрнет абляцелі здымкі. На левым беразе Нёмана, у затоцы, аматары зімовай рыбалкі выявілі тоны рыбы пад лёдам.

У выходныя на 50 метрах, плячом да пляча, там рыбачылі больш за 100 чалавек. І гэта нягледзячы на тое, што пачалося пацяпленне.
Глядзіце таксама:
Паглядзіце, колькі бясстрашных рыбакоў сабралася ў рыбным месцы на Нёмане ФОТАФАКТ
Увечары, каля 19.00, сюды прыбылі супрацоўнікі МНС, Асвода і міліцыі. Яны распілавалі лёд, паведамляе newgrodno.by.
Вядучы спецыяліст Гродзенскага Асвода Юрый Паляшчук распавёў карэспандэнту Newgrodno.by, як усё адбывалася.

«На працягу трох апошніх дзён у затоцы на левым беразе была вельмі вялікая колькасць рыбакоў. Пачалося пацяпленне, і вада пайшла па лёдзе. Усё гэта магло прывесці да масавага ўтаплення. Менавіта таму намі было прынята рашэнне распілаваць у гэтым месцы лёд і пусціць яго па Нёмане. Учора да 21:00 займаліся гэтым пытаннем», — распавёў Юрый Паляшчук.



-
Ціханоўская: Як Сяргея прывезлі ў Вільню, мы адразу паехалі ў краму купляць майкі, джынсы. І яму падабаецца, што ён такі стройны
-
У 18-м пакеце санкцый — чатыры беларускія кампаніі і завод «Легмаш», прадугледжваюцца захады супраць беларускіх банкаў
-
Сям’я з Беларусі на сваёй машыне праехала каля 10 тысяч кіламетраў дзеля Эгейскага мора
Каментары