Літва спадзяецца заблакаваць пастаўкі электраэнергіі з БелАЭС у Еўропу з дапамогай ЕС
У Літвы ёсць ўсебаковая падтрымка Еўрапейскай Камісіі ў справе блакавання трапляння на рынак ЕС электраэнергіі з Беларускай АЭС, заявіла літоўскае Мінэнерга са спасылкай на еўракамісара па энергетыцы Кадры Сімсан, паведамляе Інтэрфакс.
«Патрабуецца новая трохбаковая методыка, якая блакуе беларускую электраэнергію, і Літва спадзяецца на дапамогу ЕК у забеспячэнні поўнай блакады БелАЭС», — заявіў міністр энергетыкі Літвы Дайнюс Крэйвіс пасля аддаленай сустрэчы з Сімсан.
Ён прадставіў сябру ЕК інфармацыю, што беларускай электраэнергіяй, якая фізічна паступае ў Літву праз перамычку ЛЭП з Беларуссю, гандлююць на Рыжскай біржы. Такім чынам Літва спажывае яе і плаціць за беларускую электраэнергію.
«Гэта стварае пагрозу праекту сінхранізацыі ліній электраперадачы Балтыйскіх краін, стварае залежнасць ад імпарту з трэціх краін, і такім чынам перашкаджае дасягненню мэтаў «зялёнай» энергетыкі Еўрасаюза», — падкрэсліў Крэйвіс.
Каментары