Улады Швецыі рыхтуюцца ўвесці новыя абмежаванні, каб стрымаць рост колькасці хворых на COVID-19 на фоне распаўсюду больш заразнага «брытанскага» штаму каранавіруса.
Пра гэта паведаміў галоўны эпідэміёлаг краіны Андэрс Тэгнэл, піша РБК.
«Брытанскі» варыянт распаўсюджваецца вельмі хутка. Гэты варыянт з вялікай імавернасцю будзе пераважаць над іншымі на працягу некалькіх тыдняў ці месяца», — сказаў ён.
Швецыя — адна з нямногіх краін, якія адмовіліся ўводзіць строгі каранцін у сувязі з пандэміяй. У чэрвені 2020 года Тэгнэл прызнаў, што падыход уладаў да барацьбы з распаўсюджваннем інфекцыі прывёў да занадта вялікай колькасці смерцяў.
З пачатку пандэміі ў Швецыі зарэгістравалі 642 тысячы выпадкаў, памерлі ад каранавіруса 12,7 тыс. чалавек. Па колькасці смяротных вынікаў на 1 млн жыхароў Швецыя займае 23-е месца ў свеце — паказчык складае 1254. У той жа час яе суседзі Фінляндыя і Нарвегія ў гэтым спісе знаходзяцца значна ніжэй — на 107-м і 114-м месцах. У Фінляндыі на 1 млн жыхароў прыпадае 133 смерці ад каранавіруса, у Нарвегіі — 112.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай4
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары