У Жлобіне 18-гадоваму палітвязню далі тры гады калоніі за камень, кінуты ў бок міліцэйскага аўто
У судзе Жлобінскага раёна вынеслі прысуд па крымінальнай справе Аляксандра Кісялёва, якога абвінавачвалі па ч. 1 арт. 342 КК і арт 364 (Гвалт альбо пагроза прымянення гвалту ў дачыненні да супрацоўніка органаў унутраных спраў), паведамляе spring96.org.
Суддзя Яўген Ерафееў 25 лютага пастанавіў прызнаць Кісялёва вінаватым і пакараў 3 гадамі калоніі.
Менавіта такі тэрмін запатрабаваў пракурор Сцяпашкін на папярэднім судовым пасяджэнні.
Аляксандр Кісялёў — жыхар Жлобіна, які быў затрыманы і адміністрацыйна асуджаны за ўдзел у мірнай акцыі пратэсту вечарам 9 і 11 жніўня. Пасля арышту на волю не выйшаў. Да суда быў змешчаны ў СІЗА №3 Гомеля.
Малады чалавек тлумачыў, што быў на мітынгу, рухаўся ў калоне, скандаваў лозунгі, але камянёў не кідаў, гвалт да міліцыі не ўжываў.
Аляксандр зазначаў на судзе, што быў абураны тым, як удзень 9 жніўня затрымалі ягонага непаўналетняга сябра.
«Крычалі лозунгі, гучалі розныя песні. Я падтрымліваў тое, што людзі крычалі, у тым ліку гэта была спроба данесці да міліцыі, каб яны перайшлі на бок пратэстоўцаў. Я хацеў, каб супрацоўнікі міліцыі склалі шчыты і выпусцілі затрыманых», — казаў ён.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў28
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары