Мінскае «Дынама» ў Кубку Гагарына згуляе з піцерскім СКА
Сёння скончыўся рэгулярны сезон у Кантынентальнай хакейнай лізе. Мінскае «Дынама» заняло сёмае месца ў Заходняй канферэнцыі і ў плэй-оф згуляе са СКА (Пецярбург), што фінішаваў на другім месцы. Дарэчы, сёння «Дынама» і СКА акурат разам і завяршалі рэгулярны чэмпіянат. СКА перамог 4:2.
Tut.by
Серыя ў плэй-оф доўжыцца да чатырох перамог. Першыя дзве гульні ў Санкт-Пецярбургу (2 і 4 сакавіка).
Затым дзве гульні ў Мінску (6 і 8 сакавіка). Потым, калі спатрэбіцца, каманды будуць мяняцца пляцоўкамі. 10 сакавіка — матч у Санкт-Пецярбургу, 12-га ў Мінску.
«Дынама» за сваю гісторыю чатыры разы выходзіла ў плэй-оф КХЛ, апошні раз у сезоне 2016/2017, аднак далей першага раўнда не трапляла.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ