«Па заробках у канвертах мы без вас не абыдземся. Трэба раз і назаўжды спыніць гэтую гадаўку, каб гэтая гідра ніколі галаву ў нас не падняла. Я не скажу, што ў нас гэта квітнее, але гэта ёсць. І нават на мяне выходзяць асобныя камерсанты, бізнэсмены і скардзяцца: вось мы плацім па ведамасці, усё як мае быць (і ад гэтага ж налічэнне ідзе ў сацыяльныя фонды). А вось там не плацяць. Нават называюць канкрэтныя фірмы», — сказаў Лукашэнка.
Ён прапанаваў, што, мабыць, неабходна ўвесці і адказнасць тых, хто бярэ ў канвертах гэтыя грошы.
«Яшчэ адзін напрамак, па якім мы павінны вельмі сур'ёзна папрацаваць (гэта на Усебеларускім народным сходзе мы пра гэта казалі), — сказаў Лукашэнка, — пасярэдніцтва. Пасярэднікі спрыяюць павышэнню цаны тавару працэнтаў да 30, а то часам і больш па асобных пазіцыях. Нам такое пасярэдніцтва не трэба. І трэба выключыць ўсякае пасярэдніцтва ўнутры Беларусі. Што гэта за парадак такі: я купляю тавар за плотам, і мне яшчэ нейкі патрэбны пасярэднік? Не патрэбныя ніякія пасярэднікі. Тут трэба ўнесці адпаведную прапанову», — заявіў ён.
