Інцыдэнт здарыўся раніцай 16 лютага. Цягнік №707 Гомель — Мінск спыніўся на перагоне Салтанаўка — Хальч. Пасажыраў перасадзілі ў іншы цягнік, што прыбыў ў Мінск са спазненнем на 3 гадзіны 45 хвілін.
Высветлілася, што прычынай паломкі быў канструктыўны недахоп клапана кампрэсарнай устаноўкі, дапушчаны вытворцам пры праектаванні і вырабе, гаворыцца ў паведамленні Белчыгункі.
Адзначаецца, што дэфект будзе ліквідаваны за кошт кампаніі «Штадлер Мінск». Акрамя таго, кампанія пакрые Беларускай чыгунцы ўсе астатнія выдаткі, панесеныя ў сувязі з паломкай электрацягніка.
