Авакаў: Беларускі інфарматар даў паказанні наконт забойства Шарамета. Яны цікавыя
Міністр унутраных спраў Украіны Арсен Авакаў заявіў, што пасля правядзення яшчэ некалькіх следчых дзеянняў генпракурор прыме рашэнне наконт далейшых крокаў у расследаванні крымінальнай справы, што датычыцца заказчыкаў забойства ў цэнтры Кіева ў ліпені 2016 года беларускага журналіста Паўла Шарамета, паведамляе «Інтэрфакс-Украіна».
«Мы не павінны прымяраць, ці кладзецца гэта (паказанні беларускага інфарматара па расследаванні часткі крымінальнай справы, якая тычыцца заказчыкаў забойства Шарамета) у агульную канву справы. Пытанне ў тым, ці праўда гэта альбо не. Мы ўвесь час задаём сабе пытанне: «А які матыў?» І вось мы ўбачылі матыў, што беларускія спецслужбы палічылі, што ён (Шарамет) з'яўляецца нязручным чалавекам», — сказаў Авакаў у эфіры праграмы «У гасцях у Гардона».
Міністр нагадаў, што з інфарматарам былі праведзеныя следчыя дзеянні ва Украіне.
«Ён даў паказанні. Паказанні цікавыя. Яшчэ будзе ў нас два цікавыя следчыя дзеянні, а потым генеральны пракурор вырашыць, ці можна гэтую інфармацыю рабіць публічнай і што з ёй рабіць далей», — падсумаваў кіраўнік МУС Украіны.
Каментары