За раскіданыя каля пракуратуры самарэзы маму дваіх дзяцей адправяць у калонію
У Мінску вынесены прысуд па справе раскіданых самарэзаў. Жанчын абвінавачвалі ў тым, што яны раскідалі 45 металічных самарэзаў каля пракуратуры.
Анастасіі Нікіцінай — 1 год і 1 месяц пазбаўлення волі ў калоніі агульнага рэжыму;
Святлане Лабунскай — 1,5 года абмежавання волі без накіравання ва ўстанову адкрытага тыпу.
Анастасія Нікіціна мае двух сваіх непаўналетніх дзяцей, яшчэ аднаго дзіцёнка яна ўзяла пад патранажнае выхаванне, паведамляюць праваабаронцы
Па матэрыялах следства, жанчыны 13 снежня раскідалі каля 45 металічных самарэзаў ля пракуратуры Мінска на вул. Якубоўскага, 20. Аўтамабіль, за рулём якога быў пацярпелы Клінцэвіч, напароўся на гэтыя самарэзы, былі прабітыя два колы. Шкода склала 36 рублёў 18 капеек. 27 снежня жанчыны зноў хацелі паўтарыць свае дзеянні, аднак былі затрыманыя.
Жанчын абвінавачвалі ў здзяйсненні злачынства па ч. 2 арт. 339 КК (хуліганства, здзейсненае групай асоб), а таксама ч.1 арт. 14, ч. 2 арт. 339 (замах на хуліганства, здзейсненае групай асоб паўторна).
Чытайце таксама: Дзвюх мінчанак судзяць за раскідванне самарэзаў каля будынка пракуратуры горада
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня4
Каментары