Мінздароўя абнавіла звесткі каранціннага спісу — пераліку краін, у якіх рэгіструюцца выпадкі COVID-19.
З 4 сакавіка зноў спатрэбіцца самаізаляцыя па прыездзе з Фінляндыі, Кубы і Малайзіі.
Аднак пры гэтым з гэтага ж дня з каранціннага спісу выключаны Азербайджан, Ісландыя, Кыргызстан і Марока.
У Міністэрстве нагадалі, што пералік краін актуалізуецца згодна з прынятым крытэрам. А менавіта, улічваюцца эпідрызыкі, якія фармуюцца ў іншых дзяржавах, узровень і дынаміка захворвання на каранавірус, а таксама прынятыя ў краіне меры ў адказ.
У «чырвоным спісе», па вяртанні з якіх патрабуецца ізаляцыя, знаходзіцца 145 краін, у тым большасць еўрапейскіх, а таксама ўсе суседнія, апроч Расіі.
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы47
Каментары