Такога даўно не было: сёлетняя зіма адпавядала ўсім кліматычным нормам
«Сярэдняя тэмпература паветра за зімовы сезон 2020—2021 гадоў склала мінус 3,8, што вышэй за кліматычную норму на 0,2 градуса. За перыяд з 1881 года такія і больш нізкія тэмпературы зімой у сярэднім бываюць раз у тры гады, а ў апошні раз адзначаліся зімой 2012-2013 гадоў. Тэмпературны максімум у гэтым зімовым сезоне зафіксаваны 25 лютага ў Брэсце (плюс 15), мінімум — 19 лютага ў Брагіне (мінус 29,4)», — распавялі ў Белгідрамеце.
Снежань 2020 года быў цёплым з сярэднямесячнай тэмпературай паветра мінус 0,8, што вышэй за кліматычную норму на 2,5 градуса. У студзені гэты паказчык склаў мінус 4,1 (вышэй за норму на 0,3 градуса). Люты выдаўся халодным — у сярэднім мінус 6,5, што ніжэй за кліматычную норму на 2,2 градуса. У апошні раз так холадна ў лютым было ў 2012 годзе.
За гэтую зіму ў сярэднім па краіне выпала 147 мм ападкаў, што складае 122% за кліматычную норму. Максімальную колькасць выпала ў Гомельскай вобласці (163 мм, або 145% нормы), менш за ўсё адзначалася ў Брэсцкай і Віцебскай абласцях — 131 мм (116% нормы) і 132 мм (98%) адпаведна. Студзень і люты характарызаваліся лішкам ападкаў (183% і 111% нормы), у снежні назіраўся іх недабор (78%).
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары