Ганна Панішава, скрыншот відэа
Паводле Tut.by, Панішава ехала з Польшчы на аўтобусе. Каля 1.20 яна павінна была прыбыць у Брэст. Цяпер яе тэлефон недаступны. Па непацверджанай інфармацыі, дырэктар «Польскай школы» затрыманая. Пра гэта паведаміла Tut.by інфармаваная крыніца. Аб затрыманні Панішавай таксама паведамляе тэлеграм-канал Белтэлерадыёкампаніі.
11 сакавіка стала вядома аб затрыманні сузаснавальніка «Польскай школы». 43-гадовы берасцеец з'яўляецца падазраваным па заведзенай пракуратурай крымінальнай справе за распальваньне расавай, нацыянальнай і рэлігійнай варожасці, паведамляла МУС.
Крымінальную справу распачалі 10 сакавіка па факце здзяйснення групай асоб наўмысных дзеянняў, накіраваных на ўзбуджэнне нацыянальнай, рэлігійнай варожасці і варожасці па прыкмеце нацыянальнай, рэлігійнай, моўнай прыналежнасці, і здзяйснення наўмысных дзеянняў па рэабілітацыі нацызму — гэта значыць па ч.3 арт. Санкцыя артыкула прадугледжвае ад пяці да дванаццаці гадоў пазбаўлення волі.
Падчас даследчай праверкі, паведамляе пракуратура, устаноўлена, што 28 лютага ў памяшканні, арандаваным Берасцейскім форумам польскіх лакальных ініцыятыў і «польскай школай», з удзелам непаўналетніх і моладзі прайшло незаконнае масавае мерапрыемства.
«Адзетыя ў нацыянальную форму польскай скаўцкай арганізацыі маладыя людзі выконвалі песні, чыталі вершы ў славу ваенных злачынцаў, у тым ліку Рамуальда Райса, вядомага пад мянушкай Буры», — паведамляе пракуратура.
