Пракуратура завяла крымінальную справу па факце «гераізацыі ваенных злачынцаў» на мерапрыемстве «Польскай школы» ў Брэсце. Двух прадстаўнікоў школы затрымалі, потым здарыўся дыпламатычны скандал. Часовы павераны ў справах Польшчы ў нашай краіне Марцін Вайцяхоўскі распавёў Tut.by, што мерапрыемства ў «Польскай школе» не мела ніякага дачынення да постаці Рамуальда Райса, а ўсё, што адбылося, падобна на непаразуменне.
Часовы павераны ў справах Польшчы ў Беларусі Марцін Вайцяхоўскі распавёў, што мерапрыемства, якое прайшло ў Брэсце 28 лютага, было арганізавана Форумам польскіх лакальных ініцыятываў.
— Па наяўных у нас даных, мэтай мерапрыемства было ўвекавечанне памяці тых людзей, якія пасля Другой сусветнай вайны ў Брэсце клапаціліся аб польскіх месцах памяці, польскіх могілках, захаванні польскай гісторыі — за гэта яны былі рэпрэсаваныя, у тым ліку адпраўленыя ў Сібір, у Варкуту. Толькі пасля смерці Сталіна, на хвалі адлігі, яны змаглі вярнуцца ў Польшчу. З вядомых мне людзей магу назваць спадара Рышарда Снарскага, які жыў у Берасці, — адзначыў Марцін Вайцяхоўскі.
Паводле інфармацыі часовага паверанага, мерапрыемства ў «Польскай школе» «не мела ніякага дачынення» да імя Рамуальда Райса (Бурага).
— Гэта мерапрыемства ніякага дачынення да Бурага і да падзей у Гайнаўцы не мела, у адрозненне ад таго, што сцвярджаюць дзяржаўныя беларускія СМІ і некаторыя эксперты.
— Можа быць, вершы і чыталі, але 100% не ў славу Райса, яго імя на той сустрэчы нават не згадвалася. Мы гэта старанна правяралі, калі б было па-іншаму, наш консул проста не ўдзельнічаў бы ў такой сустрэчы, — выказаўся Марцін Вайцяхоўскі. — Мерапрыемства, паводле нашай інфармацыі, праходзіць у Берасці ўжо некалькі гадоў, і ніколі яно не выклікала цікавасці, увагі, рэзанансу ў той ступені, у якой гэта адбылося сёлета.
Пры гэтым суразмоўца пацвердзіў, што падзея была прымеркавана да 1 сакавіка — дня, калі ў Польшчы згадваюць удзельнікаў антысавецкага падполля, якія змагаліся за незалежнасць краіны.
— Але гэтае свята ахоплівае ўсіх людзей, якія пасля Другой сусветнай вайны ў той ці іншай форме аказвалі супраціў камуністычнай уладзе, за што былі рэпрэсаваныя. Але яшчэ раз хачу падкрэсліць, што імя Бурага не згадвалася. Наш консул удзельнічаў у сустрэчы, якая была прысвечана мясцовай гісторыі, мясцовым падзеям — яны, на нашу думку, не маюць ніякага антыбеларускага кантэксту і падтэксту.
Марцін Вайцяхоўскі дадаў, што сёлета беларусы і палякі ўдзельнічалі ў сумесных мерапрыемствах па ўшанаванні памяці ахвяр Рамуальда Райса ў Гайнаўцы.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1919
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс19
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары