Долю рынку ў Tesla у Азіі адваёўвае амерыканская кампанія Ford Motor Co., якая нядаўна выпусціла свой першы электрычны красовер Mustang Mach-E. У Еўропе, на найбуйнейшым у свеце рынку электракараў, аўтаканцэрн Volkswagen AG (VW) абагнаў Tesla летась.
Доля Tesla у мінулым годзе складала каля 79%, а ў лютым знізілася да 69%. Пры гэтым на долю Mustang Mach-E прыйшлося 12% усіх цалкам электрычных транспартных сродкаў, пастаўленых у ЗША ў мінулым месяцы.
Кліенты ў Заходняй Еўропе зарэгістравалі каля 98 тысяч аўтамабіляў Tesla у 2020 годзе, што прыкладна на 11% менш, чым у 2019 годзе, у той час як агульная колькасць рэгістрацый цалкам электрычных транспартных сродкаў павялічылася больш чым у два разы. Доля Tesla на рынку ўпала прыкладна да 13% у 2020 годзе з прыкладна 31% годам раней.
Хоць канкурэнтам і ўдалося прабіцца на некаторыя рынкі, бізнэс Tesla працягвае расці. Летась кампанія прадала амаль паўмільёна аўтамабіляў па ўсім свеце, што больш чым на трэць перавышае паказчык 2019 года.
