Экс-прэзідэнт Польшчы Лех Валенса запісаў развітальны відэазварот і выклаў яго на сваёй старонцы ў Facebook перад тым, як легчы ў бальніцу.

78-гадовага Валенсу чакае складаная аперацыя на сэрцы: у яго кардыястымулятары лопнуў электрод. Акрамя гэтага, былы прэзідэнт Польшчы хварэе на цукроўку і іншыя хранічныя захворванні.

— Я гатовы да двух асноўных вынікаў. Не ведаючы, калі мы сустрэнемся наступным разам, не ведаючы, ці сустрэнемся мы наогул, я хачу сказаць вам — што рабіў усё, каб добра служыць народу, — заявіў ён у сваім відэазвароце.

Лех Валенса — вядомы палітычны дзеяч. У гады камуністычнай Польшчы ён узначаліў першае ў краіне аб'яднанне незалежных прафсаюзаў. З'яўляецца лаўрэатам Нобелеўскай прэміі міру. У 1990 годзе Валенса быў абраны першым прэзідэнтам Польшчы, кіраваў краінай 5 гадоў.

Хочаш падзяліцца важнай інфармацыяй ананімна і канфідэнцыйна?