У Ісландыі прачнуўся вулкан Фаградалсф'яль, які спаў шэсць тысяч гадоў
На ісландскім паўвостраве Рэйк'янес пачалося вывяржэнне вулкана Фаградалсф'яль, гэта першае вулканічнае вывяржэнне ў рэгіёне за прыкладна 800 гадоў, паведамляюць інфармагенцтвы.
Вывяржэнне ўяўляе сабой расколіну даўжынёй каля 500-700 м. Лава разлілася ў межах 1 км.
Як відаць з роліка, знятага берагавой аховай, лава расцяклася ў два бакі ад жарала вулкана.
Паводле разлікаў метэаролагаў, вывяржэнне не пагражае населеным пунктам, нягледзячы на тое што святло ад яго можна бачыць з дамоў суседняга горада Грындавік. Аднак некаторую шкоду могуць зрабіць вулканічныя газы. Улады спадзяюцца, што іх распаўсюд знізяць моцны вецер і ападкі, якія чакаюцца ў гэтым раёне.
Фаградалсф'яль бяздзейнічаў апошнія 6 тысяч гадоў. Тры тыдні перад вывяржэннем паўвостраў штодня скалыналі землятрусы, таму спецыялісты чакалі абуджэнне вулкана.
Польшча прызнала Аляксандра Машэнскага непажаданай асобай27
Каментары