Лукашэнка сёння прыняў з дакладам міністра аховы здароўя Дзмітрыя Піневіча.
Абмяркоўвалася пытанне вакцыны ад каранавіруса, паведамляе БелТА.
«Айчынная вакцына — справа гонару Гусакова [кіраўніка Нацыянальнай акадэміі навук] і Піневіча, Міністэрства аховы здароўя і Нацыянальнай акадэміі навук, у самыя кароткія тэрміны зрабіць самую лепшую вакцыну. Чаму самую лепшую — бо вопыт ужо ёсць. І ў расіянаў, і ў еўрапейцаў, і ў кітайцаў, у індусаў. Шмат хто ўжо вырабляе гэтыя вакцыны. Мы ўжо сёе-тое ведаем, мы не на голым месцы гэта робім», — заявіў сёння Лукашэнка.
Лукашэнка дадаў, што Беларусь павінна атрымаць сваю вакцыну ў наступным годзе, а да гэтага часу правакцынаваць практычна ўсё сваё насельніцтва — 60% на першым этапе. «Трэба — дадамо больш. Але пакупной вакцынай і той, якую вырабім па расійскіх тэхналогіях», — сказаў ён.
«Людзі хочуць атрымаць вакцыну. Яны яе атрымаюць. Хтосьці хоча хутчэй, вакцыну іншых краін, добра, закупім. Хай на платнай аснове. Не трэба гэта ўтойваць. Трэба адкрыць магчымасць і на платнай аснове камусьці правакцынавацца. Гэта справа кожнага чалавека», — цытуе словы Лукашэнкі тэлеграм-канал «Пул першага».
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве9
Каментары